Euskadi, berrikuntza-maila altuko eskualdea
Europako Batzordeak aldizka neurtzen du europako eskualdeek berrikuntzaren arloan duten errendimendua, Regional Innovation Scoreboard (RIS) adierazle sintetikoaren bidez. RISak lau kategoriatan sailkatzen ditu eskualdeak: liderrak berrikuntzan, berrikuntza-maila handia, berrikuntza-maila ertaina eta berrikuntza-maila hazkunde bidean. Azken edizioak, 2023an argitaratua, berrikuntza handiko eskualde gisa sailkatzen du Euskadi (ikusi txostena hemen).
Deskribapen teknikoa
Euskadiren posizionamendua RIS 2023 adierazlean
Euskadi da RIS 2023an kokapen onena duen autonomia-erkidegoa, eta Madrilgo Erkidegoarekin, Kataluniarekin eta Nafarroako Foru Erkidegoarekin batera berrikuntza handiko eskualdeen taldean kokatuta dago. Halaber, Europako Batzordeak Euskadi “bikaintasun-polotzat” hartzen du, berrikuntza-maila ertaina duen herrialde batean berrikuntza-maila handiko eskualdea izateagatik.
Euskadi RISaren maila historikorik onenean kokatzen da
2023ko edizioan, Euskadik bere postua hobetu du EBko batez bestekoarekiko, 109,8ra iritsi arte, 100 oinarri izanda. 93. postutik 72. postura igo da Europako 239 eskualdeetan. Gainera, “berrikuntza-maila handiko” eskualdeen artean, “berrikuntza-maila handia-” azpitaldetik “berrikuntza-maila handia” azpitaldera egiten du aurrera.
